Hyppää sisältöön

Heajat

Searvegoddi rohkadallá ipmilbálvalusas ovdal vihaheami dáid beales, geat áigot náitalit. Heajaide čoahkkanan searvegoddi rohkadallá vihahandilálašvuođas bára ovddas. Báhppa sivdnida vihahettiin náittosguimmiid. Rohkos ja buressivdnádus guddet vihaheamis álgán oktasaš náittosdili.

Náittoslihttui vihaheapme

Náittoslihttui vihaheami sáhttá doaimmahit dan maŋŋá, go náittosbárra lea ožžon duođaštusa náittoslihtu eastagiid dutkamis.

Soai, geat áiguba girkus vihahuvvot, galgaba leat rihppaskuvlla vázzán girku lahtut. Juos nubbi guoimmis ii leat girku lahttu, soai sáhttiba vihahuvvot girkus, juos girkui gullameahttun guoibmi gullá mannu eará kristtalaš girkui dahje oskkoldatovttastupmái. Náitalit áigu dahje juo vihahuvvon báraid namat almmuhuvvojit searvegotti oktasaš ipmilbálvalusas, juos sii eai leat dan gieldán. Sin ovddas rohkadallo ipmilbálvalusa oktasaš ovddasrohkosis.

Vihaheami doaimmaha báhppa ja musihkas vástida kántor, ja das galgá ságastit suinna.

Vihaheapmi doaimmahuvvo girkus, ruovttus dahje eará sajis dađe mielde go báhppa ja náittosbárra das sohpet.

Vihaheamis galget leat mielde uhcimustá guokte duođašteaddji. 

Buorre diehtit

Mánás galget leat aŋkke guokte risvánhema, guđet leat konfirmerejuvvon evangelalaš-luteralaš oskku dovddasteaddji girku lahtut. Dáid lassin risvánhemin sáhttá leat maid olmmoš, guhte gullá eará kristtalaš girkui, mii dohkkeha evangelalaš-luteralaš girku doaimmahan gástta. Uhcimustá guovttis risvánhemiin dahje guokte eará duođašteaddji galget leat mielde gástadoaimmahusas.

Eará kristtalaš girku dahje oskkoldatovttastumi lahtus lea riekti doaibmat risvánhemin, juos girkolaščoahkkin lea dohkkehan duon girkuin dahje oskkoldatovttastumiin dahkkojuvvon soahpamuša.

Báhppa váldá oktavuoða máná ruktui. Dalle son ságasta vánhemiiguin gástta mearkkašumis ja soahpá geavatlaš ortnegiin. Báhppa ságastallá maiddái máná namas, dasgo searvegoddi galgá čilget nama lágalašvuođa ja doaimmahit dieđu álbmotregistarii. 

Gásta doaimmahuvvo girkus, ruovttus dahje eará sajis dađe mielde go báhppa ja máná vánhemat das sohpet.

Váldde oktavuođa

Kirkkoherra I Girkohearrá
Sairaalantie 5
99800 Ivalo
Saamelaispappi I Sámebáhppa I Sääʹmpapp I Sämipappâ
Sairaalantie 5
99800 Ivalo