Hyppää sisältöön

Hálddahus ja luohttámušolbmot

Davvi-Lappi searvegoddeovttastupmái gullet Anára ja Ohcejoga searvegottit. Oktasaš girkostivra mearrida searvegoddeovttastumi dehálamos áššiin, dego bušeahtas, girkolašvearus, ja giddodagaid divodeamis. Oktasaš girkostivrras leat válggain válljejuvvon luohttámušolbmot.

Oktasaš girkostivra vállje iežas lahtuin oktasaš girkoráđi, mii jođiha searvegoddeovttastumi doaimmaid, hálddahusa ja ekonomiija. Oktasaš girkoráđđi válbme buot oktasaš girkostivrii boahtti áššiid ja ollašuhttá oktasaš girkostivrra mearrádusaid.

Anára ja Ohcejoga searvegottiin leat válggain válljejuvvon searvegodderáđit. Searvegodderáđđi jođiha searvegoddedoaimmaid, ovddida dan vuoiŋŋalaš eallima ja mearrida bušeahtas searvegoddái mieđihuvon ruđaid geavaheamis.

Luohttámušolbmot válljejuvvojit juohke njealját jagi dollojuvvon searvegoddeválggain. Válggain sáhttá jienastit 16 jagi deavdán Suoma evangelalaš-luteralaš girku lahttu. Evttohassan sáhttá leat Suoma evangelalaš-luteralaš girku lahttu, guhte lea deavdán 18 jagi. Čuovvovaš searvegoddeválggat leat 2022.